Blood Test/ रक्ताची तपासणी

 

 

रक्ताची तपासणी ही निदान प्रत्येक सहा महिन्यातून एकदा करावी त्यामुळे आपल्याला आपल्या शरिरा बाबद ची सर्व माहिती कळते आपल्याला कोणत्या घटकाची  कमतरता आहे ,रक्तातील काही घटक कमी जास्त आहेत का ,कमी आहेत तर ते योग्य मर्यादे पर्यंत कसे येतील आणि जास्त असतील तर ते कमी कशे येतील याच्यावर आपण नियंत्रण ठेवू शकतो यासाठी कमीत कमी सहा महिन्याने रक्ताची तपासणी केलीच पाहिज

शरीरातील विविध घटकांची अनेक प्रकारची चाचणी करता येते. त्यातील काहींची आपण ओळख करून घेऊया.

• रक्तातील रक्तद्रव्य, तांबड्या पेशी, पांढऱ्या पेशींची संख्या व प्रमाण तपासणे.(CBC- complete blood count )

• रक्तस्राव किती वेळात थांबेल आणि रक्त किती वेळात गोठते हे पाहणे.(BT - Blooding time ,CT - Clotting time)

•  दीर्घकाळ बऱ्या न होणाऱ्या तापात अशी तपासणी करतात.

• कावीळ, यकृतदाह, प्लीहासूज, हृदयविकार इत्यादी आजारांत वाढणारी रासायनिक द्रव्ये तपासणे.

• रक्तातील प्रथिने, साखर, स्निग्ध पदार्थ क्षार, प्राणवायू, कार्बवायू, युरिया, काविळीत वाढणारे बिलिरुबीन हे द्रव्य आणि इतर अनेक घटकांचे प्रमाण पाहणे.

• रक्तातल्या अॅन्टीबॅाडीज म्हणजे रोगजंतूंविरूद्ध तयार होणारे संरक्षक पदार्थ) पाहणे. काही प्रकारच्या तापांमध्ये 'विडाल' तपासणी, लैंगिकसंसर्गजन्य आजारांसाठी 'व्हीडीआरएल' तपासणी, एचआयव्ही एड्स तपासणी करता येते.

• रक्तगट (ए, बी, ओ) व आर-एच तपासणे.

• उदाहरणार्थ मधुमेह-तपासणीमध्ये ज्यांच्या रक्तामध्ये अतिरिक्त साखर सापडेल ते सगळे मधुमेहाचे पेशंट असतातच असे नाही. याउलट, ज्यांच्या रक्तात साखर सापडली त्यांची आठ तास उपाशीपोटी राहून व त्यानंतर ७५ ग्रॅम ग्लुकोज देऊन दोन तासांनी रक्त साखर तपासतात व त्या आधारे मधुमेह आहे की नाही ते ठरवतात.